Þræðir sem fléttast

Hlý frásögn, vafin í umgjörð íslensks mannlífs á 20 öldinni. Söguþráðurinn fléttar saman líf ólíks samferðafólks og fangar hugann.

Þessi fallega saga sem er erfitt að leggja frá sér er sjálfstætt framhald skáldsögunnar - Þræðir í lífi Bertu.

Berta er einstæð móðir sem horfir vongóð til framtíðar eftir erfiðan skilnað. Hún leitar tilgangs í lífinu, mætir hindrunum og þráir ást sem hún á ekki tilkall til.

Halla Sól systir hennar leitar uppruna föður þeirra systranna, án þess að hann sé því fylgjandi.

Umkomulaus lítil stúlka kemur fram á sjónarsviðið og á eftir að snerta strengi hjá stórfjölskyldunni.

Heitar tilfinningar bærast hjá eldri sögupersónum og þræðirnir fléttast á meðan Elsa á Bakka stendur með sjónaukann sinn við stofugluggann og fylgist með.