ADHD fullorðinna
Bókin varpar ljósi á ADHD eins og það kemur fram á fullorðinsárum.
Sálfræði, sjálfshjálp og andleg leiðsögn
ADHD í stuttu máli
Lykillinn að skilningi og þroska
Aðgengileg og fróðleg bók sem fjallar ekki síst um þá kosti sem geta fylgt röskuninni og hvernig fólk með ADHD getur dafnað sem best í lífi og starfi. Hér útskýrir hinn heimsþekkti ADHD-sérfræðingur, metsöluhöfundur og TikTok-stjarna, dr. Edward M. Hallowell, vísindin að baki ADHD um leið og hann hrekur mýtur og leiðréttir misskilning.
Baujan
Alla ævina þurfum við að skoða, lagfæra og vinna úr tilfinningum okkar, styrkja sjálfsöryggið og sjálfsmyndina. Heiðarleiki gagnvart okkur sjálfum er lykilatriði í því hversu langt við komumst í aukinni sjálfsvirðingu og þroska. Baujan er tækni sem stuðlar að virkri og vakandi sjálfsvitund sem er forsenda aðgerða og breytinga á líðan.
Betri heimur
Um metsölubók allra tíma
Hrífandi frásögn mest seldu bókar allra tíma. Biblían er metsölubók, en hvernig bók er hún? Um hvað fjallar bókin í raun? Hvað segir Biblían okkur um tilgang lífsins, jörðina og betri heim? Hvað segir hún okkur um Guð, himnaríki og helvíti? Þar er ýmislegt öðruvísi en margir ætla. Hvernig passar Jesús svo inn í allt dæmið, hvað er málið með hann?
Dópamínríkið
Að finna jafnvægi á tímum ofgnóttar
Við lifum á tímum ofgnóttar, hvort sem um er að ræða vímuefni, mat, tölvuleiki, klám, samfélagsmiðla eða annað. Framboðið er ótakmarkað, örvunin viðstöðulaus og við getum látið allt eftir okkur. Hér er útskýrt hvers vegna unaðsleitin, áráttukennd neysla eða hegðun, leiðir óhjákvæmilega af sér vanlíðan og hvað sé til ráða.
Einmana
Tengsl og tilgangur í heimi vaxandi einsemdar
Fróðlegt rit þar sem einsemdin er skoðuð frá ýmsum hliðum. Farið er yfir það hver eru einmana, hvenær og af hverju en jafnframt leitast við að varpa ljósi á það sem einmanaleikinn getur kennt okkur og hvernig bregðast megi við honum. Útkoman er áhugaverð bók um mikilvægi tengsla og þá merkingu sem finna má í lífinu þrátt fyrir einsemd.
Gáfaða dýrið
Í leit að sjálfsþekkingu
Hvernig stendur á því að við erum eins og við erum og gerum það sem við gerum, oft þvert á alla skynsemi? Eru til skýringar á því? Í þessari áhugaverðu bók er fjallað um samspil vitsmuna og ósjálfráðra viðbragða og sýnt hvernig aukin sjálfsþekking getur unnið gegn ómeðvitaðri sjálfsblekkingu.
Geðhvörf fyrir byrjendur
Hvernig heldur þú jafnvæginu?
Um er að ræða myndskreytta handbók sem svarar ýmsum spurningum fólks með nýgreind geðhvörf og aðstandenda þeirra. Bókin leggur áherslu á von, lífsgæði, tilgang með lífinu, valdeflingu notenda og leiðir til bata.
Guð er raunverulegur
Ævintýralegar lífsreynslusögur og lykilatriði
Þessi bók lýsir því hvernig lífið umbreytist í magnþrungið ævintýri leyfi maður sér að trúa án þess að efast. Aðeins með Guði hefur sagan sem hér er sögð getað raungerst og sýnir að sannleikurinn getur verið langtum ótrúlegri en ímyndaður skáldskapur. Lýst er ævintýralegu lífshlaupi og eru endurminningarnar eins og besti spennutryllir á köflum.
Hvers vegna karlmenn geta bara gert eitt í einu og konur þagna aldrei
Hjónin Allan og Barbara Pease fjalla hér á einstaklega gamansaman hátt um samskipti hjóna og para. Lesandinn sér líf sitt örugglega í nýju ljósi.
Í umsjá Guðs
Í umsjá Guðs hentar afar vel þeim sem eru í Tólf spora starfi eða ætla sér í sporavinnu. Í bókinni eru daglegar hugleiðingar sem leggja út af sporunum og hjálpa lesendum til að lifa einn dag í einu. Þótt bókin sé fyrst og fremst ætluð fólki með fíknisjúkdóma gagnast hún öllum lesendum.
Leiðtogi
Rit er hentar öllum sem hafa leiðtogahæfileika eða óska sér að hafa þá. Höfundur rýnir í sögu sína sem er yfirgripsmikil og gefur afskaplega góð ráð. Ummæli um bókina sýna framar öllu að lesendur taka til sín fróðleikinn og geta nýtt sér hann í daglegu lífi. Bók sem er fyrir alla. Sjá Leidtogi.net
Geðraskanir án lyfja: Líf án geðraskana
(bók 3)
Tilgangur þessara bóka er að fólk með geðraskanir geti séð að til eru fleiri leiðir en lyf til að takast á við þær, að aðstandendur fái dýpri innsýn inn í heim ástvina sinna með geðraskanir og að áhugi náist hjá læknum til að tengja við óhefðbundnar leiðir til að vinna með geðraskanir.
Staðráðin í að vera
Staðráðin í að vera er reynslusaga ungrar konu sem að veikist skyndilega af ristilkrabbameini þegar að hún er búsett í London. Sálfræðingur að mennt og meistaranemandi í núvitund notar hún þau verkfæri til að takast á við erfiðar meðferðir. Bókin fjallar líka um dramatískan skilnað, narsissisma og notkun hugvíkkandi efna til að takast á við áföll.
Tarotspil norrænna goðsagna
Leitið svara um fortíð, nútíð og framtíð og öðlist dýpri skilning á ykkur sjálfum með aðstoð tarotspila norrænna goðsagna. Spil og bók með ítarlegum skýringum, fróðleik og tarotlögnum.
Vending
vínlaus lífsstíll
Hamingjan fæst með því að sækjast eftir því sem gefur og forðast það sem kvelur. Sókn eftir áfengi getur valdið óhamingju en það gerir val á vínlausum lífsstíl ekki. Bók fyrir þau sem vantar vendipunkt, verkfæri, kraft, samtal og lífsgildi til að stíga skrefið. Efnið er um sjálfsaga og vellíðan, hvernig höndla beri veikleika og efla styrkleika.
Þögn – á öld hávaðans
Í þessari einstöku bók spyr norski ævintýramaðurinn Erling Kagge þriggja spurninga: Hvað er þögn? Hvar er hún? Af hverju er þögnin núna mikilvægari en nokkru sinni í sögu mannkyns? Í kjölfarið gerir hann 33 tilraunir til að svara þessum spurningum.
Öðruvísi, ekki síðri
Handbók skynsegin manneskju um hvernig er hægt að fagna sínu sanna sjálfi og lifa góðu lífi upp frá því
Hér er á ferðinni hjartnæm og oft bráðfyndin frásögn af því hvernig það er að vera skynsegin. En þetta er líka gagnleg handbók um það hvernig best er að takast á við tilveruna þegar hún verður manni um megn og hvetjandi lesning sem brýnir okkur til að skapa samfélag þar sem er pláss fyrir alla. Bókin er gefin út í samstarfi við Einhverfusamtökin.