Viltu kynnast þeim allra bestu? Lestu allt um hetjurnar. Hverjir eru þeir? Hvað geta þeir? Hverjar eru þeirra sterkustu hliðar? Hér kynnist þú betur helstu snillingum heims í fótbolta, Mbappé, Bellingham, Vinícius Júnior, Musiala, Lamine Yamal og öllum hinum. Líflegur og fróðlegur texti, flottar myndir, skemmtilegar staðreyndir.
Hér segir frá fjallgöngum um Gjögraskaga, vestan Flateyjardals inn fyrir Víkurskarð. Bókin er tvískipt, annars vegar ferðasögur höfundar á alla fjallatinda í Grýtubakkahreppi og hins vegar 13 gönguleiðarlýsingar á valin fjöll á svæðinu. Um 280 ljósmyndir eru í bókinni, auk 47 korta, þar af er eitt stórt af svæðinu.
Hér er komin mögnuð spurningabók sem snýst eingöngu um fótbolta! Í bókinni eru 15 leikir sem innihalda 15 spurningar hver. Alls 225 spurningar! Veistu allt um fótbolta? Nú kemur það í ljós!
Tvær nýjar bækur í hinni geysivinsælu fótboltabókaseríu Bókafélagsins. Nú er það bókin um feril Ronaldo og svo um hina glæstu sögu Liverpool. Heilmikil tölfræði er í bókunum, sem ungir lesendur hafa mjög gaman að.
Bækur Víðis Sigurðssonar um íslenska knattspyrnu eru einstakar og eiga engan sinn líka í heiminum. Þessi vinsæli bókaflokkur hefur nú komið út í rúm fjörutíu ár og hefur aldrei verið betri. Hér finnur áhugafólk um knattspyrnu allt sem gerðist í íslenska boltanum á árinu 2024 í máli og myndum. Ómissandi árbók allra áhangenda íslenskrar knattspyrnu.
Árni Baldursson er lifandi goðsögn í veiðiheiminum, ekki bara á Íslandi heldur um allan heim. Hann hefur veitt um víða veröld, í Rússlandi, Suður-Ameríku, Skotlandi, Noregi, Grænlandi og Alaska og lent í ótrúlegum ævintýrum. Um tíma var Árni stærsti veiðileyfasali landsins og hér segir hann sögur sínar í fyrsta sinn á prenti.
Í bókinni lýsir höfundurinn í máli og myndum fjallgöngum á austanverðum Gjögraskaga / Flateyjarskaga, auk þess leiðum úr Hvalvatnsfirði, austur á Flateyjardal og þaðan til Náttfaravíkna og inn í Kinn. Þessu fylgja fjöldi mynda og korta, sem og GPS-hnit og QE-kóði af gönguleiðum. Bókin er kjörinn ferðafélagi þeirra sem fara um þetta svæði.
Veiðistaðalýsing fyrir Laxá í Mývatnssveit og Laxárdal ásamt þáttum um lífríki, sögu og mannlíf við þessa merku silungsveiðiá. Frásagnir af merku fólki og náttúrufari árinnar sem nýtur alþjóðlegrar friðunar.
„Að spila fyrir Real er eins og að snerta himininn,“ segja Spánverjar. Margir bestu fótboltamenn sögunnar hafa spilað með liðinu og sigurgangan er rétt að byrja. Í þessari skemmtilegu bók, sem er fyrir alla aldurshópa, er saga liðsins rakin frá snillingum fyrri tíma til stjarna samtímans. Líflegur texti, flottar myndir, fróðlegar staðreyndir.
Hver pantaði pitsu fyrir varamennina? Hver týndist um borð í Herjólfi? Hvaða söngkona hitti ekki markið? Hvað er Rabona? Hver dó á vellinum en var lífgaður við? Hver var þekkt fyrir flikk-flakk innköst? Hver fann HM-styttuna? Hver ældi á völlinn? Já, og hvaða mikli markaskorari kúkaði á sig í landsleik?
Við straumana er falleg bók fyrir veiðimenn til að skrá veiðisögur sínar og afla. Bókina prýða tilvitnanir um veiði og myndir eftir Guðmund frá Miðdal. Skyldueign stangveiðimanna!