Sagan um Benjamín dúfu er ein vinsælasta barnabók sem komið hefur út á Íslandi. Benjamín og vinir hans stofna riddarareglu Rauða drekans og eiga viðburðaríkt sumar í vændum. Dagarnir í Hverfinu verða sem ótrúlegt ævintýri, þar til brestir koma í vináttuna og kaldur veruleikinn breytir lífi þeirra til frambúðar.
Bláeyg er ævintýra- og spennusaga fyrir t.d. 10 til 13 ára börn. Sagan er bæði spennandi og viðburðarík, skrifuð á fallegu máli af góðum orðaforða með skýringum neðanmáls á þeim orðum sem gætu vafist fyrir lesandanum. Þannig bætir lestur sögunnar vel við íslenskan orðaforða lesendanna.
Öðruvísi saga þar sem nornabrennur miðalda blandast nútímanum. Hver er hún þessi stúlka, sem fannst meðvitundarlaus og næstum nakin á kaldri októbernótt á bílaplani í Breiðholti. Getur verið að hún sé norn frá miðöldum? Hvernig? Sigrún var viss um að hún væri tímaferðalangur en Elínborg félagsráðgjafi vill halda sig við staðreyndir.
Huginn endursegir Animal farm eftir George Orwell á 74 myndskreyttum blaðsíðum. Verkið á brýnt erindi í dag þar sem lýðræði á víða undir högg að sækja og valdhafar ríghalda í völd sín og nota til eigin hagsbóta. Mannréttindi eru fótum troðin, líka hér á Íslandi, og þeir sem brjóta á réttindum lítilmagnans eru varðir af kerfinu.
Hörkuspennandi lokaþáttur í bókaflokki prófessors Ármanns Jakobssonar um fjögur ungmenni í heimi álfanna. Dagný, Konáll, Soffía og Pétur reyna að fóta sig í gráa heiminum sem óbreyttir menntskælingar eftir að hafa neyðst til að flýja Tudati. Þrátt fyrir að vera komin heim er Dagný óróleg. Eru mannheimar í raunverulegri hættu?
Stórglæsileg myndskreytt útgáfa af fimmtu bókinni í ritröðinni um Harry Potter, stútfull af töfrum úr pensli Jims Kay, handhafa Kate Greenaway-verðlaunanna og Neil Packer..
Það er fátt venjulegt við Iðunni. Hún býr í felum og lítur ekki út eins og aðrir unglingar. Eftir óvænta heimsókn flytur hún á Himinbjörg og líf hennar breytist svo um munar. Mun hún loksins fá að tilheyra umheiminum eða verður lífið enn undarlegra? Í Hvíta ásnum fléttast heimur ása og vætta saman við framtíðina á ævintýralegan hátt.
Jósefína ætlar að skipuleggja rosalegustu Lúsíugöngu í sögu skólans. Emma er leynivinur stráks sem hatar jólin en hún neitar að gefast upp - hann skal komast í jólaskap! Amöndu finnst allt gjafastússið farið úr böndunum og stingur upp á að gefa heimatilbúnar gjafir í ár - en getur hún búið til gjafir?
Magdalena hefur verið í barnaverndarkerfinu alla ævi og dvalið á ótal fósturheimilum. Mamma hennar glímir við fíkn og nú virðist hún vera að missa fótanna aftur. Þegar Magdalena verður ástfangin af Kasiu finnur hún öryggið sem hana hefur alltaf skort. Þess vegna lætur hún allar vísbendingar um skuggalega fortíð hennar sem vind um eyrun þjóta.
Kynsegin er sjálfsævisaga Maia Kobabe sem segir á hreinskilinn hátt frá því að finna sjálft sig og að koma út sem kynsegin og eikynhneigt fyrir fjölskyldu híns og samfélagi. Með því að spyrja krefjandi spurninga um kynvitund verður þessi persónulega saga áhrifamikill vegvísir í átt að skilningi á okkur sjálfum og öðrum.
Davíð og Natalía hafa verið bestu vinir síðan þau fæddust. Þau hafa líka verið að keppa síðan þau fæddust. Nú etja þau kappi í splunkunýrri keppni sem gengur út á að komast í samband. Upphitun sem setur tóninn, brösuglegt upphaf, æsispennandi framvinda og óvæntar lokamínútur.
Sæskrímsli, uppvakningar, tröll, kolkrabbahamstur, fangamyndavél, ofurhetja og allskyns aðrar fígúrur búa innan um mannfólkið í Hafnarfirði – og lifna við í stórskemmtilegum, sprenghlægilegum, á stundum afar sorglegum en aðallega spennandi smásögum.
Bráðfyndin hrollvekja í bland við sjóðheita ástarsögu. Dagur og Ylfa ranka við sér í líkhúsinu, hissa á að vakna aftur eftir skotárás sérsveitarinnar. Þau leggja á flótta, húkka sér far út á land og hreiðra um sig í bústað með nóg af grillkjöti í nesti ...
Ógleymanleg uppvaxtarsaga íranska höfundarins Marjane Satrapi (f. 1969), sem fór sigurför um heiminn þegar hún kom fyrst út. Spaugilegar hversdagssenur í lífi höfundar og harmleikur þjóðar fléttast listilega saman þessari margrómuðu myndasögu sem lætur engan ósnortinn.
Drápsvél, þjálfuð í bardaga og hlýðni. Hvernig gat mesti stríðsmaður ríkisins skipt um lið? Loksins fáum við svarið við því hvers vegna Varnar gekk til liðs við andspyrnuhreyfinguna og gerðist verndari Önnu. Þegar þau hittust breyttist ekki aðeins líf þeirra beggja heldur framtíð heimsins að eilífu.
Börn Önnu og Gilberts eru næstum fullorðin, fyrir utan hina fallegu og skapmiklu Rillu Blythe. Þegar sagan hefst er Rilla tæplega fimmtán ára og getur ekki hugsað um annað en að fara á sinn fyrsta dansleik og fá sinn fyrsta koss frá hinum myndarlega Kenneth Ford.
Endalokin nálgast! Myrkrið hefur sigrað. Ísland verið lagt í rúst. Þau örfáu sem eftir lifa hafa leitað skjóls á litlum víggirtum bóndabæ á Reykjanesinu. En þau geta ekki falið sig endalaust. Handan við hornið bíður þeirra barátta upp á líf og dauða, þar sem eitt er víst: Það munu ekki allir lifa af.
Amanda fer í skíðafrí með stjúpbræðrum sínum – og með tognaðan ökkla. Ekki beint draumafríið, en svo hitter hún Melvin. Hann er sætur og það er svo gott að tala við hann að Amanda opnar sig á annan hátt en hún hefur áður gert. Líður Melvin eins og henni eða er hann bara að vera almennilegur?