Skarphéðinn G. Þórisson var mikill náttúruunnandi og stundaði jafnframt ljósmyndun af mikilli elju. Þessi bók sýnir úrval hreindýramynda hans og ber vitni mikilli snilli við að fanga augnablikið og góðu auga fyrir litum og landslagi í umhverfi hreindýra. Skarphéðinn lést í flugslysi á síðasta ári.
Bókin fjallar um þá strauma og stíla sem einkenna íslenska byggingarlistasögu frá torfhúsum til steinsteyptra húsa á einfaldan hátt með það að markmiði að sem flestir geti fræðst um íslenska byggingarlistasögu.
„Líkt og örin mín eru sprungurnar til vitnis um kraft og þanþol náttúrunnar og þjóna sem áminning um þá leyndardóma sem búa í djúpum jarðar.“ Magnaðar ljósmyndir Péturs Sturlusonar af stórfenglegri fegurð og ægikrafti íslenskra skriðjökla.
Listasafn Íslands kynnir veglega sýningarskrá fyrir sýninguna Egill Sæbjörnsson og óendanlegir vinir alheimsins. Skráin er ríkulega myndskreytt og inniheldur aðfaraorð Ingibjargar Jóhannsdóttur safnstjóra, grein eftir sýningarstjórann Arnbjörgu Maríu Danielsen og grein eftir listfræðinginn Margréti Elísabetu Ólafsdóttur.
Erin Boggs og Einar Örn Benediktsson hafa unnið saman að margþættri skynreisu sem kannar Ísland í gegnum list og ljóð og tónlist frá Kaktus Einarssyni. Í gegnum þessa upplifun verður áhorfendum sökkt í leyndardómsfulla fegurð íslensks umhverfis og menningar. Bókin er á ensku og íslensku. Hún hefur að geyma 50 myndir og ljóð.
Innsýn í hönnun og handverk íslenskrar gull- og silfursmíði fyrr og nú. Hér ber fyrir augu fjölskrúðug djásn, allt frá skartgripum til skúlptúra og nytjahluta. Dýrindis safn muna sem íslenskir gullsmiðir hafa skapað á undangengnum hundrað árum. Bókin er gefin út í tilefni hundrað ára afmælis Félags íslenskra gullsmiða.
Safneign Listasafns Íslands er bæði umfangsmikil og margslungin og geymir fjölmörg mikilvæg og merk verk sem eiga erindi við almenning. Tilefni þessarar útgáfu, þar sem fjallað er um valin listaverk úr safneigninni, er 140 ára afmæli safnsins. Hér er í máli og myndum fjallað um 140 af um 16.000 verkum í eigu safnsins.
Þjóðsagnamyndir Ásgríms Jónssonar Bókin inniheldur aðfaraorð og texta eftir Dagnýju Heiðdal ásamt ljósmyndum af þjóðsagnaverkum Ásgríms Jónssonar. Bókin tilheyrir nýrri ritröð veglegra smárita sem Listasafn Íslands hóf að gefa út undir lok síðasta árs.
Ljósmyndabók á íslensku og ensku um Loftleiðir. Í bókinni er ævintýralegum ferli Loftleiða gerð skil, frá því þrír ungir menn stofnuðu fyrirtæki með eina litla flugvél og þar til félagið fór fimm ferðir á dag á risaþotum milli Lúxemborgar og New York, með viðkomu á Íslandi. Loftleiðaandinn sprettur ljóslifandi upp af blaðsíðum bókarinnar.
Óli K. var fyrsti fastráðni blaðaljósmyndari landsins. Starfsævin spannaði um hálfa öld og á þeim tíma markaði hann sér sess sem mikilvægur þátttakandi á sviði íslenskrar menningar. Hér birtist úrval af verkum Óla K., bæði víðkunnar myndir sem óþekktar, um leið er saga hans sögð ítarlegar en áður hefur verið gert. Einstakur gripur.
Bókin er gefin út í tilefni af 100 ára fæðingarafmæli Ragnars Kjartanssonar og þess að 50 ár eru síðan Myndhöggvarafélagið í Reykjavík settu upp fyrstu almennu vinnustofurnar fyrir myndlistarmenn á Íslandi á Korpúlfsstöðum. Í bókinni er fjallað um feril Ragnars, sýninguna Samspil og áhrifaríka sögu vinnustofanna og starfsemi Myndhöggvarafélagsins.
Að sækja sundlaugar er hluti af hversdegi Íslendinga og laugarnar er að finna um allt land. Myndaðir með dróna breytast þessir sælureitir úr fábreyttum og einföldum mannvirkjum í fjölskrúðug og litrík form sem geta gefið ímyndunaraflinu lausan tauminn. Um leið gefur bókin þægilegt yfirlit yfir allar útisundlaugar á landinu í landfræðilegri röð.