Huginn endursegir Animal farm eftir George Orwell á 74 myndskreyttum blaðsíðum. Verkið á brýnt erindi í dag þar sem lýðræði á víða undir högg að sækja og valdhafar ríghalda í völd sín og nota til eigin hagsbóta. Mannréttindi eru fótum troðin, líka hér á Íslandi, og þeir sem brjóta á réttindum lítilmagnans eru varðir af kerfinu.
Einlæg og snjöll myndasaga fyrir börn og unglinga sem hefur farið sigurför um heiminn. Nick og Charlie eru par en vilja halda því fyrir sig til að byrja með. En þegar þeir fara í skólaferðalag til Parísar spyrst leyndarmálið út. Munu vinir þeirra standa með þeim? Eftir bókunum hafa verið gerðir vinsælir sjónvarpsþættir á Netflix.
Fjórða myndasagan í bókaflokknum vinsæla eftir breska höfundinn Alice Oseman. Rómantískar, innilegar og skemmtilegar bækur með fallegum og raunsæjum lýsingum á unglingum. Hjartastopp hefur farið sigurför um heiminn.
Spennandi sögur úr Andabæ sem koma öllum í jólaskap!
Kynsegin er sjálfsævisaga Maia Kobabe sem segir á hreinskilinn hátt frá því að finna sjálft sig og að koma út sem kynsegin og eikynhneigt fyrir fjölskyldu híns og samfélagi. Með því að spyrja krefjandi spurninga um kynvitund verður þessi persónulega saga áhrifamikill vegvísir í átt að skilningi á okkur sjálfum og öðrum.
Næstsíðasta bókin í þessum vinsæla myndasagnabálki. Frjósemisguðinn Freyr fær augastað á jötnameyjunni Gerði og Þjálfi er sendur til Gymisgarða í gervi Skírnis skósveins til þess að sannfæra stúlkuna um að eiga stefnumót við guðinn. Sú ferð reynist sannkallað hættuspil því að Ragnarök nálgast óðum og mikill jötnaher hefur safnast fyrir á staðnum.
Ógleymanleg uppvaxtarsaga íranska höfundarins Marjane Satrapi (f. 1969), sem fór sigurför um heiminn þegar hún kom fyrst út. Spaugilegar hversdagssenur í lífi höfundar og harmleikur þjóðar fléttast listilega saman þessari margrómuðu myndasögu sem lætur engan ósnortinn.
Ein mínúta eftir! Skógargerði á víti. Það eru tvær mjög sérstakar reglur í jólamótinu í Skógargerði. Allir leikmenn og dómarar verða að vera með jólasveinahúfu og allir mega kasta snjóboltum á síðustu mínútu hvers leiks. Sagan byrjar á lokamínútunni ... og allt getur gerst!
Frábær bók í fríið fyrir spæjara á aldrinum 5-11 ára! Lalli og Maja hjálpa lögreglustjóranum í Víkurbæ að leysa dularfullar ráðgátur. Hér birtast Lalli og Maja í fyrsta sinn á myndasöguformi. Fjórar nýjar ráðgátur auk fjölmargra þrauta og frétta af fólkinu í Víkurbæ, bæði þeim sem fremja glæpina og spæjurunum sem leysa ráðgáturnar.
Allir vegir liggja til Rómar! Hér segir af ítölskum öndum þegar hið forna Rómaveldi var að byggjast upp - og þær eru óneitanlega kunnuglegar.
Slappaðu af og skemmtu þér við lestur spennandi frásagna af viðburðaríkum ferðalögum! Það er tími sumarleyfa og íbúar í Andabæ skella sér í frí á hinar ýmsu slóðir.
Einn af öðrum hverfa vondu gaurarnir. Teknir! Af skrímsli með allt of margar tennur … og of marga rassa! Eru þetta endalokin? Kannski. Verður þetta fyndið? Þú getur alveg bókað það! Ný bók í vinsælum bókaflokki sem hvetur krakka til að lesa.