Lára og Ljónsi elska að hjálpa til í eldhúsinu og skemmtilegast af öllu er auðvitað að prófa sig áfram við bakstur. Hér eru fjölmargar ljúffengar uppskriftir eftir Sylvíu Haukdal bakara sem henta krökkum á öllum aldri, bæði fyrir hátíðleg tækifæri og hversdaginn. Bókina prýða fallegar ljósmyndir auk fjölmargra litríkra teikninga af Láru og Ljónsa.
Viltu kynnast þeim allra bestu? Lestu allt um hetjurnar. Hverjir eru þeir? Hvað geta þeir? Hverjar eru þeirra sterkustu hliðar? Hér kynnist þú betur helstu snillingum heims í fótbolta, Mbappé, Bellingham, Vinícius Júnior, Musiala, Lamine Yamal og öllum hinum. Líflegur og fróðlegur texti, flottar myndir, skemmtilegar staðreyndir.
Bókin fjallar um þá strauma og stíla sem einkenna íslenska byggingarlistasögu frá torfhúsum til steinsteyptra húsa á einfaldan hátt með það að markmiði að sem flestir geti fræðst um íslenska byggingarlistasögu.
Hér er sagt á lifandi og skemmtilegan hátt frá listamanninum Einari Jónssyni, Önnu konu hans, listaverkunum sem allt þeirra líf snerist um og safninu sem var eitt sinn bannað börnum. Margrét Tryggvadóttir og Linda Ólafsdóttir hafa vakið verðskuldaða athygli fyrir bækur sínar sem henta bæði fyrir unga lesendur og eldri.
Bókin er sneisafull af áhugaverðum upplýsingum, með góðum skýringarmyndum og ríkulega myndskreytt. Henni er ætlað að svara spurningum og fræða lesendur um eldgos, eldfjöll og ýmis tengd náttúrufyrirbrigði. Í bókinni er fróðleikur um eldstöðvar, bæði á Íslandi og víða um heim.
Bók nr. 3 í bókaflokknum „Ég vil skoða ...“ Bókin er með meira en 60 flipum til þess að fletta. Þessi skemmtilega bók svarar alls konar spurningum um hvernig þú stækkar og þroskast. Hvenær byrja ég að tala? Hvað er kynþroski? Hvernig stækka ég? Skemmtilegar harðspjalda fróðleiksbækur fyrir forvitna krakka 5 ára+
Vissuð þið að fjórir af hverjum þremur Íslendingum eiga í vandræðum með almenn brot? Hvers konar mjöl er notað í djöflatertu? Fjandakorn. Hvar geymir Drakúla peningana sína? Nú, auðvitað í Blóðbankanum. Hver er munurinn á lauki og harmóniku? Það grætur enginn þegar harmónika er skorin niður!
Hér er farið um víðan völl og spurt um hvaðeina sem snertir knattspyrnuna, bæði hérlendis og erlendis. Mörk eru skoruð og einhverjir eru reknir af velli, stundum er spennan óbærileg, en allt fer þó vel að lokum! Þessi bók ætti að sjálfsögðu að vera til á öllum "knattspyrnuheimilum".
Hér er komin mögnuð spurningabók sem snýst eingöngu um fótbolta! Í bókinni eru 15 leikir sem innihalda 15 spurningar hver. Alls 225 spurningar! Veistu allt um fótbolta? Nú kemur það í ljós!
Tvær nýjar bækur í hinni geysivinsælu fótboltabókaseríu Bókafélagsins. Nú er það bókin um feril Ronaldo og svo um hina glæstu sögu Liverpool. Heilmikil tölfræði er í bókunum, sem ungir lesendur hafa mjög gaman að.
Vilt þú vera hugmyndasmiður? Í þessari bók kynnist þú aðferðum við að hugsa skapandi, fá hugmyndir og láta þær verða að veruleika. Bókin fjallar líka um það hvers vegna hugmyndasmiðir eru mikilvægir fyrir framtíðina. Í gegnum verkefnið læra krakkar um nýsköpun, sem eflir frumkvöðlafærni þeirra og hvetur þau til að skapa lausnir fyrir framtíðina.
Taskan geymir harðspjaldabók með flottum myndum, þrautum og fróðleik, spjald með skemmtilegum verkefnum og útdraganlegu handfangi og yfir 90 margnota límmiða. Heillandi heimur risaeðlanna.
50 frábær viðfangsefni, þar á meðal þrautir og myndir til að lita eða leita í. Margra klukkustunda skemmtun! Sprottið úr veröldinni sem Ísadóra Nótt býr í, uppáhalds hálfi álfur, hálfa vampíra allra krakka – fullkomin bók fyrir þau sem hafa gaman að leiftrandi töfrum og fjöri!
Bækur Víðis Sigurðssonar um íslenska knattspyrnu eru einstakar og eiga engan sinn líka í heiminum. Þessi vinsæli bókaflokkur hefur nú komið út í rúm fjörutíu ár og hefur aldrei verið betri. Hér finnur áhugafólk um knattspyrnu allt sem gerðist í íslenska boltanum á árinu 2024 í máli og myndum. Ómissandi árbók allra áhangenda íslenskrar knattspyrnu.
Allt í náttúrunni er hluti af hringrás. Þú líka! Meltingin þín leikur nefnilega algjört lykilhlutverk þar. Heimurinn verður svo fallegur og forvitnilegur þegar við uppgötvum hvernig allt er tengt. Meira að segja kúkur, piss og prump verður bara … spennandi! Mögnuð bók úr hinum vinsæla Vísindalæsisflokki með litmyndum á hverri opnu.
Matti er söguleg saga um bernsku Matthíasar Jochumssonar frá Skógum í Þorskafirði er síðar varð klerkur og meira að segja skáld, þjóðskáld.
Muggur er söguleg saga um bernsku Guðmundar Thorsteinssonar, myndlistarmanns, er kallaður var Muggur.
„Að spila fyrir Real er eins og að snerta himininn,“ segja Spánverjar. Margir bestu fótboltamenn sögunnar hafa spilað með liðinu og sigurgangan er rétt að byrja. Í þessari skemmtilegu bók, sem er fyrir alla aldurshópa, er saga liðsins rakin frá snillingum fyrri tíma til stjarna samtímans. Líflegur texti, flottar myndir, fróðlegar staðreyndir.