Í skugga trjánna

Í skugga trjánna er skáldævisaga í anda Skeggs Raspútíns sem kom fyrst út árið 2016 og hlaut frábærar viðtökur bæði lesenda og gagnrýnenda. Guðrún Eva Mínervudóttir tekst hér á við veruleikann af einlægni og áræðni, svo úr verður áhrifamikil saga – full af húmor, hlýju og skáldlegri visku.

„Sagt er að í enskum farsa séu allir í örvæntingu að reyna að losna úr pínlegum aðstæðum en í spænskum farsa séu allir á barmi taugaáfalls en hafi lúmskt gaman af því. Og nú þegar líf mitt var enn einu sinni orðið að brandara lá beinast við að spyrja hvort farsinn væri enskur eða spænskur. Uppákomurnar voru kannski kómískar og persónur stundum öfgakenndar, en það var ekkert lúmskt gaman hérna. Þegar einum pínlegum aðstæðum sleppti tóku við enn pínlegri aðstæður. Út í hið óendanlega kannski?“

Um Skegg Raspútíns:

„Algjörlega mögnuð bók. Mér finnst þetta vera bók um hugrekki.“ Þorgeir Tryggvason, Kiljunni.

„Skegg Raspútíns er einstaklega falleg og djúp saga sem dregur fram hið skáldlega í raunveruleikanum og gerir sannleikann að skáldskap.“ Guðrún Baldvinsdóttir, Rás 1

„Frábærlega skemmtileg bók … Maður fær næstum því einhvers konar Ferrante-tilfinningu … hún gengur miklu nær sér en ég hélt. … Dásamleg lesning.“ Sunna Dís Másdóttir, Kiljunni.

„Hvar sem á Skegg Raspútíns er litið þá er þetta firnasterk skáldsaga. Vel skrifuð, vel stíluð, með sterkri persónusköpun og heildstæðum söguheimi. Heildstæð og falleg skáldsaga sem enginn ætti að láta fram hjá sér fara.“ ***** Magnús Guðmundsson, Fréttablaðinu