Innsti kroppur í búri

Beint framhald af Bónorðunum tíu.

Fjórar grínsögur í seríu um venjulega Íslendinga.

Nú eru Metúsalem og Salvör Sónata gift og búa á tveimur stöðum, staurblönk. Helsti veitingastaður þeirra er sjoppulúgan og pulsur með sinnepi aðalrétturinn. En þegar nýgifti maðurinn fær besta sin sinn, Bigga blinda, í lið með sér til að herja á glæpasnúðinn Borgar Vörð til að ná í allar millurnar sem hann stal frá Salvöru, fer eitthvað að gerast í fjármálum þessara sólbrúnu hjóna. Dag einn birtist stór svört ferðataska á dyrastafnum hjá þeim, full af bláum seðlum.

Á sama tíma er allt á yfirsnúningi hjá syni Metúsalems og dóttur Salvarar, þeim Halla dyraverði, og Sól Hlíf, sem er orðin ólétt. Meðgangan reynist henni ekki létt, enda þyngist hún með hverjum degi. Brúðkaupsferð þeirra nýgiftu út í Eyjar verður afdrifarík. Auk þess hefur eldri systir Salvarar Sónötu, hin áttræða og síreykjandi Lárétta Sónata, skoðanir á öllu, en hún er nýtekin saman við sænskt vaxtarræktartröll, Káboj Svenson, ræstitækni á Hrafnistu.

Ferðalag Halla með nýja starfsmanninum, Pálínu Prósentu, til Parísar þar sem kaupa skal heilan gám af brókum fyrir Demanta & brækur endar ekki alveg eins og upp var lagt með.

„Ein allra fyndnasta og skemmtilegasta bók sem ég hef lesið.“ Laddi