Þegar við hættum að skilja heiminn
Hér segir frá nokkrum af snjöllustu vísindamönnum 20. aldar, lífi þeirra, þráhyggju, hugarórum og rannsóknum, ásamt ófyrirséðum afleiðingum uppgötvana þeirra. Skammtafræðin og óvissulögmál Heisenbergs umturnuðu heimsmyndinni og opnuðu dyr að svo örum tæknilegum breytingum að við erum hætt að skilja heiminn.
„Atómin sem sprengdu upp Hiroshima og Nagasaki voru ekki klofin á milli kámugra fingra hershöfðingja heldur af hópi eðlisfræðinga vopnuðum hnefafylli af jöfnum.“ (Alexander Grothendieck).
Hér segir frá nokkrum af snjöllustu vísindamönnum 20. aldar, lífi þeirra, þráhyggju, hugarórum og rannsóknum, ásamt ófyrirséðum afleiðingum uppgötvana þeirra. Þegar Fritz Haber vann að framleiðslu hins öfluga skordýraeiturs Zyklon hvarflaði ekki að honum að nasistar myndu nota það nokkrum árum síðar til að drepa ættingja hans og milljónir annarra gyðinga í gasklefunum. Stærðfræðingarnir Mochizuki og Grothendieck sökktu sér niður í leyndardóma stærðfræðinnar af brennandi ástríðu þar til skyndilega að þeir hopuðu af hólmi. Eðlis- og stjörnufræðingurinn Karl Schwarzschild varð fyrstur manna til að leysa jöfnur Einsteins um almennu afstæðiskenninguna en fylltist skelfingu þegar hann uppgötvaði óhugnaðinn sem hún sagði fyrir um. Skammtafræðin og óvissulögmál Heisenbergs kipptu stoðunum undan hefðbundinni eðlisfræði, umturnuðu heimsmyndinni og opnuðu dyr að svo örum tæknilegum breytingum að við erum hætt að skilja heiminn.
Benjamin Labatut fæddist í Rotterdam 1980. Hann ólst upp í Haag, Buenos Aires og Líma en er nú búsettur í Chile. Þegar við hættum að skilja heiminn er þriðja bók hans. Hún var tilnefnd til Booker verðlaunanna 2021 og sett á lista New York Times Book Review yfir tíu bestu bækur sama árs.
Hér segir frá nokkrum af snjöllustu vísindamönnum 20. aldar, lífi þeirra, þráhyggju, hugarórum og rannsóknum, ásamt ófyrirséðum afleiðingum uppgötvana þeirra. Skammtafræðin og óvissulögmál Heisenbergs umturnuðu heimsmyndinni og opnuðu dyr að svo örum tæknilegum breytingum að við erum hætt að skilja heiminn.