Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Valli litli rostungur

– ævintýri byggt á sannri sögu

  • Höfundar Helgi Jónsson, Edda Elísabet Magnúsdóttir og Anna Margrét Marinósdóttir
  • Myndhöfundur Freydís Kristjánsdóttir
  • Lesari Jóhann Sigurðarson
Forsíða bókarinnar

Dag einn birtist óvænt lítill rostungur á bryggju í bæ við strendur Íslands. Þetta er hann Valli litli sem er svangur eftir langt ferðalag. Það er ekki auðvelt að vera sex ára áttavilltur rostungur sem hefur týnt mömmu sinni. Skyldi hún enn vera á lífi? Lestu og hlustaðu á hljóð sjávardýranna. Þú getur líka hlustað á Jóhann Sigurðarson lesa söguna.

Þetta skemmtilega ævintýri er byggt á sannri sögu. Valli er nefnilega alvöru rostungur og heimsótti eitt sinn Ísland. Við fylgjum Valla litla í ævintýrum sínum um Íslandsstrendur. Eftir að bæjarbúar á Höfn í Hornafirði hafa hresst hann við, syndir hann af stað hringinn í kringum landið og hittir fyrir mjög svo áhugaverð dýr og mannfólk.

Sagan birtist okkur ljóslifandi með frábærum teikningum Freydísar Kristjánsdóttur og alvöru dýrahljóðum úr undirdjúpum. Að auki fylgir hljóðbókaútgáfa í lestri Jóhanns Sigurðarsonar leikara. Við getum því bæði lesið - og hlustað!