Loki á í bölvuðu basli með að verða almennilegur. Hann er enn þá á jörðinni sem 11 ára strákur og í straffi hjá Óðni vegna þess að hann klippti hárið af ásynjunni Sif en núna lendir hann í alvarlegum vandræðum. Stendur Loki sig í þetta sinn eða tekur prakkarinn yfirráðin? Dásamlega fyndin bók með rætur í sagnaarfinum fyrir 8+
Hvenær eru yngstu systkini pirrandi? Svarið er alltaf. Sérstaklega ef þú spyrð eldri bróður! En hvað með Maddý litlu systur? Er hún alveg ómöguleg? Þú kemst heldur betur að því þegar þú lest um Maddý og bleika gengið. Skemmtileg bók fyrir börn á leikskólaaldri.
Draugafaraldur herjar á England en einu manneskjurnar sem greina drauga eru börn og ungt fólk og flest vinna þau í stórum fyrirtækjum sem draugabanar. Lockwood og Co. er minnsta sjálfstæða draugabanafyrirtækið og þar er að finna sérlega hæfileikaríka einstaklinga en þeirra bíður flókið úrlausnarefni. Spennandi bók fyrir 10+