Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Kirkjugarður hafsins

Forsíða bókarinnar

Stórbrotin ættarsaga. Týnd erfðaskrá. Hræðilegt leyndarmál. Haustið 1940, þegar Noregur er undir járnhæl Þjóðverja í seinni heimsstyrjöldinni, verður skipsskaði úti fyrir norðurströnd landsins. Rithöfundurinn Vera Lind og Olav, ungur sonur hennar, bjargast en eiginmaður Veru ferst ásamt hundruðum annarra farþega.

Haustið 1940, þegar Noregur er undir járnhæl Þjóðverja í seinni heimsstyrjöldinni, verður skipsskaði úti fyrir norðurströnd landsins. Rithöfundurinn Vera Lind og Olav, ungur sonur hennar, bjargast en eiginmaður Veru ferst ásamt hundruðum annarra farþega.

Áratugum síðar sviptir Vera sig lífi, þá orðin háöldruð kona. Allt bendir til þess að atburðirnir tveir tengist. Sasha, dóttir Olavs og augasteinn ömmu sinnar, grefst fyrir um fortíð Veru í þeirri von að finna týnda erfðaskrá og komast að sannleikanum um skipbrotið árið 1940.

Hver tekur við þegar ættmóðir deyr? Hvað átti sér stað þegar skipið fórst? Hvað gerist þegar sannleikanum er teflt á móti tryggð við fjölskylduna?

Kirkjugarður hafsins eftir Aslak Nore er margslungin fjölskyldusaga um djúpstæð leyndarmál, valdabaráttu og skugga fortíðar. Bókin sló í gegn þegar hún kom út í Noregi og var útgáfurétturinn seldur til fjölda landa auk þess sem bókin var tilnefnd til Norsku bóksalaverðlaunanna. Herdís Magnea Hübner þýddi úr norsku. Orri Huginn Ágústsson og Vigdís Hrefna Pálsdóttir lesa.