Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Reykjavík sem ekki varð

Höfundar Anna Dröfn Ágústsdóttir og Guðni Valberg

Saga bygginga í Reykjavík rakin sem í upphafi átti að reisa á öðrum stað eða í annarri mynd en flestir þekkja. Í þeirri Reykjavík sem ekki varð stendur Alþingishúsið í Bankastræti, Háskóli Íslands á Skólavörðuholti og Þjóðleikhúsið á Arnarhóli. Stórfróðleg og skemmtileg saga sem ríkulegt myndefni gerir ljóslifandi.

Þegar stjórn Íslands færðist frá Kaupmannahöfn til Reykjavíkur árið 1904 skorti margar helstu stofnanir landsins þak yfir höfuðið. Með tímanum komust ýmsar byggingar á teikniborðið svo sem ráðuneyti, skólar, sjúkrahús, leikhús og söfn. Leiðin fráhugmynd til framkvæmda reyndist þó oft löng. Deilur um skipulag, staðsetningu og útlit settu mark sitt á nánast hverja einustu byggingu á vegum hins opinbera í Reykjavík frá seinni hluta nítjándu aldar fram til okkar daga.