Allar Útkallsbækur Óttars Sveinssonar hafa vermt efstu sæti metsölulistanna í 30 ár. Hér er greint frá baráttu sjö manna upp á líf og dauða þegar Goðinn sekkur í ofsabrimi í Vöðlavík (1994). Mennirnir voru að gefast upp þegar þyrla birtist í ofsaveðrinu. Eftir það gerast óvæntir hlutir sem enda með einni tryllingslegustu flugferð Íslandssögunnar.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Í auga fellibylsins | Óttar Sveinsson | Útkall ehf. | Árið 2013 lenda þrír menn á lítilli skútu í fárviðri á leiðinni frá Kanada til Íslands. Lífshættulegir brotsjóir dynja á skútunni, hún fer á hliðina og sjór flæðir inn. Eftir að neyðarkall er sent út berjast þeir í óratíma upp á líf og dauða. Frásagnir mannanna hafa ekki birst áður opinberlega. Útkallsbækurnar hafa verið eitt vinsælasa lesefni Í... |
| ÚTKALL ÚTKALL Mayday – erum að sökkva! | Óttar Sveinsson | Útkall ehf. | Hér er í fyrsta skipti greint frá því þegar sjómenn af Suðurnesjum lifðu af í tvær og hálfa klukkustund í sjö stiga frosti í úthafsöldunum á milli Vestmannaeyja og fastalandsins árið 2002. Skipherrann á varðskipinu Tý, sem heyrði ógreinilegt neyðarkall þegar bátur þeirra sökk, var þeirra eina von. |
| ÚTKALL SOS – erum á lífi! | Óttar Sveinsson | Útkall ehf. | Átta sjómenn af Steindóri GK, berjast fyrir lífi sínu undir sextíu metra háu og myrku hamrastálinu undir Krísuvíkurbergi og Vigdís Elísdóttir, 21 árs háseti, er að reyna að semja við Guð. „Þarna upplifði ég hvernig það er að standa frammi fyrir dauðanum.“ Skipverjar á Steindóri GK, og áhöfn þyrlu Landhelgisgæslunnar, lýsa hér mögnuðum atburðum. |