Beinaslóð

Maður nokkur leggur blómsveig á yfirgefna strönd á Ölandi. Stuttu síðar deyr hann við grunsamlegar aðstæður. Þegar lögregluforinginn Tilda lyftir upp blómsveignum koma í ljós jarðneskar leifar manns sem síðast sást á lífi með frænda Tildu, gamla skútuskipstjóranum Gerlof Davidsson.

Gerlof er heilsuveill og veikburða en telur sér skyldt að rannsaka hvers vegna gamall harmleikur getur enn vakið ótta og hatur. Morðið á ströndinni er aðeins upphafið, svo djúpt ristir hatrið.

Hinar mögnuðu og æsispennandi skáldsögur sænska verðlaunahöfundarins Johans Theorins, sem gerast á Ölandi, hafa farið sigurför um heiminn og verið þýddar á fleiri en 25 tungumál. Beinaslóð er fimmta bókin í flokknum, en áður eru út komnar bækurnar Hvarfið, Náttbál, Steinblóð og Haugbúi, sem allar hafa fengið hinar bestu viðtökur íslenskra lesenda.