Þriðja bókin um krakkana í Mýrarsveit, þau Stellu, Ella og Bellu sem búa með pabba sínum í gráa húsinu og Móses sem býr með mæðrum sínum þremur í bláa húsinu. Einn daginn birtast óprúttnir gestir með ískyggileg plön um framtíð mýrarinnar í farteskinu. Skemmtileg og spennandi saga sem tekur á brýnum málum eins og umhverfisvernd og börnum á flótta.
Jólin nálgast. Freysteinn Guðgeirsson er ungur drengur sem verður æ spenntari með hverjum degi sem líður. Biðin er við það að verða óbærileg. Á endanum koma þau samt og Freysteinn getur loksins, loksins farið að opna alla jólapakkana. En þá kemur dálítið í ljós sem reynist erfitt viðureignar þó allt fari vel að lokum. Myndir gerði Sigrún Eldjárn.
Hér segir einn ástsælasti barnabókahöfundur þjóðarinnar, Sigrún Eldjárn, frá uppvexti sínum í Þjóðminjasafninu þegar faðir hennar, Kristján Eldjárn, var þjóðminjavörður. Hvernig er að alast upp í safni? Að eiga gæslukonur og beinagrindur að vinkonum og fá konunga í heimsókn? Söguna prýða einstakar myndir sem bera öll höfundareinkenni Sigrúnar.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Fjaðrafok í mýrinni | Sigrún Eldjárn | Forlagið - Mál og menning | Það er eitthvað undarlegt að gerast langt úti í sullandi og bullandi mýrinni. Hvaða rauðu slettur eru þarna úti um allt. Er það tómatsósa? Jarðarberjasulta? Eða kannski BLÓÐSLETTUR? Sjálfstætt framhald Ófreskjunnar í mýrinni. Litrík, spennandi og skemmtileg saga prýdd fjölda mynda eftir margverðlaunaðan metsöluhöfund. |
| Gælur, fælur og þvælur | Sigrún Eldjárn og Þórarinn Eldjárn | Forlagið - Vaka-Helgafell | Barnaljóðabækur Þórarins og Sigrúnar Eldjárn hafa glatt íslenska lesendur í meira en þrjá áratugi og margir eiga sitt eftirlætiskvæði úr þeim ríkulega vísnabrunni. Hér yrkir Þórarinn sextán skemmtileg kvæði um allt milli himins og jarðar en Sigrún skreytir þau með fjörlegum olíumálverkum. |
| Hænsnakofi minninganna | Jóhannes Bergsveinsson | Forlagið - Mál og menning | Hugljúfar minningar gamals manns handa barnabörnunum frá því að hann var lítill drengur í sveit á Breiðafirði á síðustu öld. Sögur af litlu gulu hænunni sem lendir í ýmsum ævintýrum við að ala upp ungana sína, og á í alls konar samskiptum við aðrar hænur og aðra fugla sem villast stundum inn í kofann. |
| Kuggur Kátt er í Köben | Sigrún Eldjárn | Forlagið - Mál og menning | Kuggur, Málfríður og mamma Málfríðar eru alltaf jafn hress og kát, og bækurnar um þau hafa nú glatt íslensk börn í 35 ár. Hér kemur glæný bók um ævintýri mæðgnanna og Kuggs í Kaupmannahöfn. |
| Ófreskjan í mýrinni | Sigrún Eldjárn | Forlagið - Mál og menning | Í útjaðri lítils þorps standa tvö hús; annað er blámálað og fallegt, hitt er bæði grátt og hrörlegt. Einn daginn kemur fjölskylda í þorpið: pabbi og þrír krakkar sem vita ekkert um umhverfið eða ófreskjuna í mýrinni. Hér er komin dularfull og grípandi saga, prýdd fjölda litmynda, eftir margverðlaunaðan metsöluhöfund. |
| Rauð viðvörun! Jólin eru á leiðinni | Sigrún Eldjárn | Forlagið - Mál og menning | Spennandi jólasaga í 24 stuttum köflum sem upplagt er að lesa á aðventunni eða um jólin. Hér segir frá æsilegri leit systkinanna Jóa og Lóu að jólagjöfum sem leiðir þau í mikil ævintýri. Geta krakkarnir á endanum gefið öllum eitthvað sniðugt á aðfangadagskvöld? Ný og skemmtileg saga eftir einn ástsælasta höfund landsins. |
| Rím og roms | Þórarinn Eldjárn og Sigrún Eldjárn | Forlagið - Mál og menning | Barnaljóðabækur Þórarins og Sigrúnar Eldjárn hafa glatt kynslóðir íslenskra barna. Þessi fallega bók geymir nýjar og skemmtilegar vísur um kaldar og heitar krumlur, heilagar kýr, kubba, tröll og margt, margt fleira. Hver opna er prýdd fjörugum myndum sem endalaust er hægt að skoða. Óskabók fyrir litla og stóra ljóðaorma. |
| Kuggur Skordýraþjónusta Málfríðar | Sigrún Eldjárn | Forlagið - Mál og menning | Kuggur, Málfríður og mamma Málfríðar eru alltaf jafn hress og kát, og bækurnar um þau hafa nú glatt íslensk börn í 35 ár. Hér er glæný útgáfa af sögunni um það þegar Málfríður stofnar sitt eigið fyrirtæki og ætlar að leysa hvers manns vanda með aðstoð ýmiss konar skordýra. |
| Umskiptingur | Sigrún Eldjárn | Forlagið - Mál og menning | Systkinin Sævar og Bella eru í berjamó þegar Bella hverfur skyndilega og í stað hennar birtist tröllastrákurinn Steini. Saman hrópa strákarnir á hjálp og á svipstundu birtast ofurpabbi, Ofur-Sól og Ofur-Máni til að leysa vandann. En það verður ekki einfalt! Leikrit eftir þessari spennandi sögu var sett upp í Þjóðleikhúsinu nú í vor. |