Síða 2 af 2
Lára er farin að æfa fótbolta með vinkonum sínum og liðið þeirra fer á fótboltamót. Það er svolítið stressandi en líka ægilega mikið fjör! Hversdagssögur Birgittu Haukdal um Láru og bangsann Ljónsa hafa verið metsölubækur í fjölda ára og vinsæl leiksýning verið gerð eftir þeim.
Valdeflandi forysta
Ögrandi og nýstárleg bók um leiðtogafærni sem tekur lesandann með í persónulega og krefjandi vegferð þar sem hann öðlast djúpan sjálfsskilning. Á tímum hraða og örra breytinga er tilfinningagreind leiðtoganum mun mikilvægari en vitsmunagreind þar sem árangurinn endurspeglast ekki í því sem hann gerir – heldur öðru fremur í því hver hann er.
Sjálfstætt framhald metsölubókarinnar, Þernan. Molly Gray er orðin yfirþerna á hinu glæsilega hóteli, Regency Grand. Þegar heimsþekktur rithöfundur er myrtur í einum sal hótelsins, umturnast líf hennar. Margir liggja undir grun og allir virðast hafa eitthvað að fela. Er Molly sjálf til dæmis eins saklaus og hún segist vera?
Hollir, gómsætir og fljótlegir réttir
Spennandi matreiðslubók eftir breskan metsöluhöfund með 80 girnilegum uppskriftum að loftsteiktum réttum fyrir sanna sælkera. Hentar byrjendum jafnt sem reyndum, kjötætum, grænmetisætum og grænkerum. Það er fljótlegt og hollt að elda í Air Fryer sem er ótvíræður kostur fyrir önnum kafið fólk og þá sem vilja fækka hitaeiningum.
Dásamlegar prjónaflíkur handa litlu krílunum. Í bókinni eru 70 uppskriftir að prjónaflíkum og fylgihlutum handa börnum frá fæðingu og upp í fjögurra ára. Hér er að finna úrval af fallegum heimferðarsettum, heilgöllum, teppum, leikföngum og fleiru.
Ruth Galloway er fornleifafræðingur sem býr á afskekktum stað ásamt köttunum sínum. Þegar barnsbein finnast er þörf á sérfræðiþekkingu hennar. Málið er flókið og smám saman dregst Ruth inn í hættulega atburðarás.
Hnyttin og heillandi saga sem hefur farið sigurför um heiminn. Tova Sullivan, starfsmaður á Sædýrasafni í Norður-Kaliforníu, kynnist geðvonda kolkrabbanum Marcellusi, sem er vinsælasti sýningargripur safnsins. Dularfullt hvarf Erics, sonar Tovu, hátt í þrjátíu árum fyrr hvílir þungt á henni en Marcellus reynist luma á upplýsingum um málið.
Fáar íslenskar bækur hafa notið viðlíka vinsælda og ævintýrið um litlu prinsessuna Dimmalimm. Guðmundur Thorsteinsson listmálari, Muggur, samdi það og málaði myndirnar árið 1921 handa lítilli íslenskri frænku sinni en sagan kom ekki út fyrr en árið 1942. Sagan af Dimmalimm er meðal helstu gersema sem Muggur lét eftir sig.
Carl Mørck, yfirmaður Deildar Q, er handtekinn eftir að taska með eiturlyfjum finnst á heimili hans. Samstarfsfólk hans snýst gegn honum og gömul mál eru dregin fram í dagsljósið. Æsispennandi krimmi og tíunda og jafnframt síðasta bókin um Deild Q.
Hér eru tólf uppskriftir að heilum peysum fyrir sex til fjórtán ára börn; fljótlegum, einlitum peysum, peysum með útprjóni og peysum með klassískum munsturbekkjum. Þetta er fjórða bókin frá Prjónafjelaginu sem hefur áður sent frá sér vinsælar prjónabækur með uppskriftum fyrir yngri börn.
Jodie Jackson er viss um að eiginmaðurinn haldi fram hjá. Það er því kærkomið þegar henni býðst að dvelja í húsbát á Wight-eyju til að hugsa sinn gang. Lífið á eyjunni er litríkara en Jodie hafði séð fyrir sér en með tímanum eignast hún dýrmæta vini og kynnist bæði ástinni og nýjum hliðum á sjálfri sér. En þá bankar fortíðin upp á.
Finnski hönnuðurinn Heli Nikula sló í gegn fyrir örfáum árum með peysuuppskrift úr íslenskum lopa. Hún hannar undir nafninu Villahullu, sem þýðir eiginlega ullaræði, og er orðið þekkt nafn um allan heim. Aðdáendum íslenska lopans hefur fjölgað gífurlega í kjölfarið svo úr hefur orðið mikið ullaræði.
Gríma er komin austur til að spila á Eistnaflugi en ferðin reynist vendipunktur í lífi hennar. Margslungin og spennandi hrollvekja með sögusvið sem spannar Ísland samtímans jafnt sem Svíþjóð hippatímans en auk þess er samband mannskepnunnar við tónlist skoðað frá óvæntum og oft myrkum hliðum.
Handbók skynsegin manneskju um hvernig er hægt að fagna sínu sanna sjálfi og lifa góðu lífi upp frá því
Hér er á ferðinni hjartnæm og oft bráðfyndin frásögn af því hvernig það er að vera skynsegin. En þetta er líka gagnleg handbók um það hvernig best er að takast á við tilveruna þegar hún verður manni um megn og hvetjandi lesning sem brýnir okkur til að skapa samfélag þar sem er pláss fyrir alla. Bókin er gefin út í samstarfi við Einhverfusamtökin.