Hér segir einn ástsælasti barnabókahöfundur þjóðarinnar, Sigrún Eldjárn, frá uppvexti sínum í Þjóðminjasafninu þegar faðir hennar, Kristján Eldjárn, var þjóðminjavörður. Hvernig er að alast upp í safni? Að eiga gæslukonur og beinagrindur að vinkonum og fá konunga í heimsókn? Söguna prýða einstakar myndir sem bera öll höfundareinkenni Sigrúnar.
Jörðin, pláneturnar, sólkerfið, geimstöðvar og alheimurinn! Ótrúlega fróðleg og aðgengileg bók um allt sem krakkar vilja vita um heiminn þarna úti!
Má skora með fótunum í bandý? Hver "sat á kvisti, átti börn og missti"? Hvaða höfuðborg á Norðurlöndunum ber stysta nafnið? Fyrir hvaða íþróttagrein er Thea Imani Sturludóttir þekkt? Hverrar þjóðar er knattspyrnumaðurinn Karim Benzema? Þetta og margt, margt fleira í þessari bráðskemmtilegu spurningabók.
Hver pantaði pitsu fyrir varamennina? Hver týndist um borð í Herjólfi? Hvaða söngkona hitti ekki markið? Hvað er Rabona? Hver dó á vellinum en var lífgaður við? Hver var þekkt fyrir flikk-flakk innköst? Hver fann HM-styttuna? Hver ældi á völlinn? Já, og hvaða mikli markaskorari kúkaði á sig í landsleik?
Hér lifnar við fjöldi mikilfenglegra útdauðra dýra, sem eitt sinn byggðu jörðina, í glæsilegum teikningum. Stórglæsileg og áhugaverð bók með mögnuðum teikningum.
Velkomin í heim vörubíla og vinnuvéla sem hafa aðstoðað við ýmis verk í meira en hundrað ár. Án grafa og vinnuvéla væru engir góðir vegir í sveitum eða götur og gangstéttir í borgum. Öflugir vinnubílar hjálpa til við að flytja vörur og sorp, ryðja snjó og slökkva elda. Bók sem hittir í mark hjá öllum sem hafa áhuga á stórum tækjum!