Skrímslakisi er ógurlega sætur og mjúkur og litla skrímslið er alltaf með hann. Dag einn hverfur kisi og finnst hvergi. Litla skrímslið er miður sín. En af hverju er stóra skrímslið svona þögult? Áttunda bókin um litla og stóra skrímslið. Bækurnar hafa verið þýddar á fjölmörg tungumál og hlotið margs konar verðlaun og viðurkenningar.
Skrímslaveisla er ellefta bókin um skrímslavinina en sögurnar um litla, stóra og loðna skrímslið hafa komið út á fjölda tungumála, hvarvetna vakið hrifningu og hlotið margvísleg verðlaun og viðurkenningar. Hér halda skrímslin áfram að heilla börn og fullorðna og bjóða til veislu!
Skrímslin munu reyna að bíta lesandann! Litlu, sætu táslurnar og fingurna. Eða syngja svo hræðilega að krakka mun verkja í eyrun! Varastu þessa bók því hún er uppfull af gasalega fyndnum skrímslum. Krakkar taka þátt í sögunni með því að setja hönd inn í brúðuna. Önnur brúðubók í sama bókaflokki er Nammitröllið.
Sóli og Sokkalabbarnir tína skeljar og borða nesti í fjöruferð. Þegar krabbi kemst í klandur reynir á þau að koma til bjargar. Í landi Sokkalabbanna búa tilfinningaríkir sokkar í ýmsum litum. Með þeim fá börn tækifæri til að skoða og reyna að skilja betur hinar ýmsu tilfinningar, hvort sem þær eru erfiðar, skrítnar eða skemmtilegar.
Skemmtileg bók með flipum. Ofurhetjan Sólon ferðast frá sólinni til jarðarinnar og hittir þar Bínu kanínu vinkonu sína. Þau dvelja saman á sveitabæ þar sem þau fá að vera í kringum dýrin og Sólon lærir ýmis bústörf. Lyftu flipunum og sjáðu hvaða ævintýrum vinirnir lenda í. Lestu um dýrin og sjáðu Sólon renna á rassinn í hestaskítnum!
Í þessu smellna ævintýri, sem er ein vinsælasta barnabók sem komið hefur út á Íslandi, lifna stafirnir við sem litlir karlar og vilja ólmir fá að leika sér. Von bráðar er barnið farið að þekkja þá og hljóðin sem þeir gefa frá sér svo að lestrarnámið verður leikur einn!
Vögguvísur, stuttar sögur og fallegar myndir til að gleðja yngstu lesendur. Einnig eru fáanlegar bækur í sama bókaflokki fyrir tveggja, þriggja og fjögurra ára börn. Þær bækur innihalda þrjár stuttar sögur í einni bók ásamt vísum og/eða söngvum.
Afmælisdagur Gurru er runninn upp og hún er mjög spennt. Í veislunni verða gjafir og leikir og kaka - húrra! Gurra óskar sér þegar hún blæs á afmæliskertin en ætli ósk hennar rætist?
Þegar Fífa og Spói rekast á ókunna dæld í miðjum garðinum sínum breytist allt. Hélukeppir og gljáfætlur, óstýrilát selshamsstytta, dularfullt draugabarn og bíræfnir nágrannar eru bara brot af þeim undrum sem koma upp úr kafinu þegar vinirnir munda skóflurnar. Hyldjúp og töfrandi saga fyrir náttúrubörn á öllum aldri.
„Til tunglsins hefur mig svo lengi langað...“ Ævintýraferð Tuma til tunglsins er hér lýst í skemmtilegu söguljóði og söngvum. Bókin er listilega myndlýst.
Úlfur og Ylfa eru bestu vinir. Þau eru komin í sumarfrí og eru á leið í ferðalag með mömmum hans Úlfs. Þau ætla að keyra alla leið á Vestfirði og að sjálfsögðu slæst hundurinn Bósi Ljóshár með í för. Vinanna bíða mörg ævintýri á áfangastað, bæði náttúruundur og nýir vinir og þau taka þátt í spennandi keppni.
Lotta kann víst að hjóla - þegar enginn sér hana! Gallinn er bara sá að hún á ekkert hjól og mamma og pabbi halda að hún geti látið gamla þríhjólið duga í heilt ár í viðbót. Þá grípur Lotta til sinna ráða.
Trölli þolir ekki jólin en í næsta nágrenni halda menn þau hátíðleg með mat og drykk, söng og gjöfum. Eitt árið fær Trölli nóg. Hann arkar af stað nóttina áður en jólin ganga í garð og fjarlægir allt sem minnir á þau. Sígild saga sem kemur öllum í jólaskap!
Börnin fylgja Tjörva traktor um bóndabæinn. Bókin býður upp á samtal við barnið, leik og lærdóm. Hún styður við aukna málfærni og ríkari orðaforða. Bókinni fylgja kubbar með Tjörva og fleiri húsdýrum.
Þura heimsækir Þorra vin sinn sem er upptekinn í leik við Eystein álfastrák. Þura fær sting í magann því henni finnst erfitt að þurfa að deila besta vini sínum. Falleg saga um sannar tilfinningar og mikilvægi vináttunnar.
Petra paprika lendir á ókunnugum stað og fer í ævintýraleiðangur að leita svara hvers vegna hún endaði þar. Hún kemst fljótt að því að þessi staður er lítill bær sem kallast Líkaminn. Þar kynnist hún alls kyns furðuverum sem allar hafa sitt hlutverk. Petra paprika lærir ýmislegt um orku og næringarefni í leiðinni.