Rit er hentar öllum sem hafa leiðtogahæfileika eða óska sér að hafa þá. Höfundur rýnir í sögu sína sem er yfirgripsmikil og gefur afskaplega góð ráð. Ummæli um bókina sýna framar öllu að lesendur taka til sín fróðleikinn og geta nýtt sér hann í daglegu lífi. Bók sem er fyrir alla. Sjá Leidtogi.net
Ögrandi og nýstárleg bók um leiðtogafærni sem tekur lesandann með í persónulega og krefjandi vegferð þar sem hann öðlast djúpan sjálfsskilning. Á tímum hraða og örra breytinga er tilfinningagreind leiðtoganum mun mikilvægari en vitsmunagreind þar sem árangurinn endurspeglast ekki í því sem hann gerir – heldur öðru fremur í því hver hann er.
Listdans á Íslandi á sér langa sögu sem hér er sögð í fyrsta sinn á bók, allt frá því að fyrstu leikkonur Leikfélags Reykjavíkur leituðu sér menntunar í dansi til Kaupmannahafnar og þar til Íslenski dansflokkurinn náði að sanna mikilvægi sitt og listrænan styrk.
Í þessari bók lýsir breski rithöfundurinn George Orwell reynslu sinni úr borgarastyrjöldinni á Spáni þar sem hann barðist sem sjálfboðaliði með sveitum sósíalista á árunum 1936–1937. Sú reynsla mótaði stjórnmálaskoðanir hans það sem eftir var ævinnar og gerði hann að hörðum andstæðingi alræðis.
Ljósmyndabók á íslensku og ensku um Loftleiðir. Í bókinni er ævintýralegum ferli Loftleiða gerð skil, frá því þrír ungir menn stofnuðu fyrirtæki með eina litla flugvél og þar til félagið fór fimm ferðir á dag á risaþotum milli Lúxemborgar og New York, með viðkomu á Íslandi. Loftleiðaandinn sprettur ljóslifandi upp af blaðsíðum bókarinnar.
Bókin leiðir lesendur í ferðalag um íslensk stjórnmál. Hér leita höfundar svara við spurningum sem gjarnan eru ræddar í heitum pottum landsins:
Þessi bók hefur að geyma úrval ljósmynda Brynjólfs G. Brynjólfssonar frá Litlu-Háeyri á Eyrarbakka, sem hann tók á Bakkanum á árunum 1958–73, þegar hann var unglingur og ungur maður. Bókin er á ensku og íslensku.
Milli mála kemur út tvisvar á ári. Tímaritið birtir ritrýndar fræðigreinar á sviði erlendra tungumála, bókmennta, þýðinga, málvísinda og menntunarfræði. Einnig er þar að finna stuttar bókmenntaþýðingar. Annað hefti ársins 2024 er helgað örsögum af ýmsum toga. Tímaritið er í opnum aðgangi: millimala.hi.is
Hér gefst þér tækifæri til að slást í för með Ályktara Rökvíss og rannsaka morð. Í bókinni, sem er algjör nýjung, er að finna morðgátur sem þú átt að ráða, finna þann sem framdi ódæðisverkið – hvernig, hvar og hvers vegna!
Árið 1974 hófst nýr kafli í poppsögunni þegar hljómsveitin ABBA skaust upp á stjörnuhimininn með „Waterloo“, sigurlagi sínu í Júróvison-söngvakeppninni. Hálfri öld síðar er þessi sænska undrahljómsveit vinælli en nokkru sinni – og heldur áfram að heilla fólk með sínum sígildu lögum, söngleikjum, bíómyndum, minjasöfnum og sýndarveruleika.
Sönn hryllingssaga um siðblindan barnaníðing og morðingja. Við mat á siðblindu fékk Clifford Olson yngri 38 stig af 40 og hefur enginn maður mælst með hærra stig siðblindu við geðrannsókn.
OK eða O.K., ýmist með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla jörð og mun í ofanálag vera fyrsta orðið sem heyrðist mælt á tunglinu. Það er ekki lítið afrek!
Óli K. var fyrsti fastráðni blaðaljósmyndari landsins. Starfsævin spannaði um hálfa öld og á þeim tíma markaði hann sér sess sem mikilvægur þátttakandi á sviði íslenskrar menningar. Hér birtist úrval af verkum Óla K., bæði víðkunnar myndir sem óþekktar, um leið er saga hans sögð ítarlegar en áður hefur verið gert. Einstakur gripur.
Það er ekki nóg með að hér komi fleiri nýir og ferskir pabbabrandarar, sem og myndabrandarar, heldur bætist við nýr og skemmtilegur liður fyrir alla pabba landsins til að glíma við. Í þessari bók er nefnilega að finna 16 vísnagátur! Nú loksins þagna pabbarnir rétt á meðan þeir glíma við gáturnar. En svo halda pabbabrandararnir áfram ...
Guðjón Friðriksson sagnfræðingur rekur í þessari veglegu og ríkulega myndskreyttu bók sögu Rauða krossins í heila öld og bregður upp margrbrotinni mynd af fjöldahreyfingu sem lætur sér fátt óviðkomandi.
Rekstrarhagfræði fjallar um rekstur fyrirtækja og stofnana. Bókin er ætluð byrjendum og er efni hennar sett fram á aðgengilegan hátt með fjölda dæma og skýringarmynda. Þetta er fjórða útgáfa bókarinnar, aukin og endurbætt.
Í þessari fróðlegu bók birtist lesendum ljóslifandi svipmynd af borg í breytingarfasa þar sem rætt er við áhrifavalda úr ýmsum áttum um skipulag höfuðborgar Íslands. Bókin er prýdd fjölda glæsilegra ljósmynda.
Hersetin Reykjavík árið 1942. Þrettán ára stúlka er handtekin og handjárnuð úti á götu. Færð með lögreglubifreið í varðhald. Næst var stúlkan dæmd til dvalar á Kleppjárnsreykjum í Borgarfirði.