Aðalgrein Andvara 2024 er æviágrip Ragnhildar Helgadóttur, fv. ráðherra, eftir sagnfræðingana Rósu Magnúsdóttur og Ragnheiði Kristjánsdóttur. Ragnhildur var kjörin á þing aðeins 26 ára og sat á þingi í alls 23 ár. Hún var fyrsta konan sem var ráðherra í heilt kjörtímabil og ferill hennar er um margt merkilegur. 10 aðrar greinar eru í riti ársins.
Ljósmyndir af fullunnum verkum en líka ljósmyndir af ferlum á vinnustofu. Bókin er að hluta unnin í tengslum við sýningu í Listasafni Íslands 2024: „Járn, hör, kol og kalk“. Í bókinni eru jafnframt textar á ensku og íslensku eftir höfundana Ann-Sofie Gremaud, Erin Honeycutt, Geir Svansson, Gunnar Harðarson og Sigurbjörgu Þrastardóttur.
Milli mála kemur út tvisvar á ári. Tímaritið birtir ritrýndar fræðigreinar á sviði erlendra tungumála, bókmennta, þýðinga, málvísinda og menntunarfræði. Einnig er þar að finna stuttar bókmenntaþýðingar. Annað hefti ársins 2024 er helgað örsögum af ýmsum toga. Tímaritið er í opnum aðgangi: millimala.hi.is
Bækur Víðis Sigurðssonar um íslenska knattspyrnu eru einstakar og eiga engan sinn líka í heiminum. Þessi vinsæli bókaflokkur hefur nú komið út í rúm fjörutíu ár og hefur aldrei verið betri. Hér finnur áhugafólk um knattspyrnu allt sem gerðist í íslenska boltanum á árinu 2024 í máli og myndum. Ómissandi árbók allra áhangenda íslenskrar knattspyrnu.
Af hverju vill fyrrverandi stjúpmóðir Eyju að þær hittist öllum þessum árum síðar; hvað er ósagt? Eyja er saga um flókin fjölskyldutengsl, brengluð samskipti og sár sem ekki gróa. Þetta er fyrsta bók Ragnhildar Þrastardóttur en sagan bar sigur úr býtum í handritasamkeppni Forlagsins, Nýjum röddum, árið 2024.
Sagan rekur þroskaferil ungs manns eins og hann birtist í svörum hans sjálfs fyrir rétti. Stúdentaóeirðir og ýmis örvæntingarfull viðbrögð æskufólks við stöðnuðu samfélagi sjöunda áratugar tuttugustu aldar mynda lítt sýnilegan bakgrunn frásagnarinnar. Þrátt fyrir alvöru málsins er lýsingin blönduð skopi og meinlegu háði
Má skora með fótunum í bandý? Hver "sat á kvisti, átti börn og missti"? Hvaða höfuðborg á Norðurlöndunum ber stysta nafnið? Fyrir hvaða íþróttagrein er Thea Imani Sturludóttir þekkt? Hverrar þjóðar er knattspyrnumaðurinn Karim Benzema? Þetta og margt, margt fleira í þessari bráðskemmtilegu spurningabók.
Hér er farið um víðan völl og spurt um hvaðeina sem snertir knattspyrnuna, bæði hérlendis og erlendis. Mörk eru skoruð og einhverjir eru reknir af velli, stundum er spennan óbærileg, en allt fer þó vel að lokum! Þessi bók ætti að sjálfsögðu að vera til á öllum "knattspyrnuheimilum".
Spennandi sögur úr Andabæ sem koma öllum í jólaskap!
Pólstjarnan fylgir okkur heim er magnaður ljóðaseiður um lífið, dauðann, tímann innra með okkur og veraldarundrið vonina.
Sagnfræðingurinn Valur Gunnarsson kryfur hér sögu hinnar margslungnu Berlínar og nágrennis frá mörgum hliðum allt frá tímum keisara, nasista, heimsstyrjalda og svo aðskilnaðar til falls múrsins. Við sögu koma meðal annarra hin þýska langamma höfundar, goðsögnin David Bowie og ýmsir lykilleikmenn í sögu Evrópu.
Matthías Johannessen, ritstjóri Morgunblaðsins í áratugi og skáld, lést í mars 2024. Í þessari bók birtist úrval 30 samtala sem Matthías skrifaði, flest á árunum frá 1960-70. Tvö hafa aldrei birst áður á bók, Stefán frá Möðrudal og Guðrún frá Lundi. Einstakt úrval, einstök bók.
„Hulda er ein af hinum miklu harmsögulegu hetjum nútímaglæpasagna,“ segir Sunday Times. Hulda er ný bók, forleikur að bókunum um þessa stórkostlegu persónu Ragnars Jónassonar sem lesendur þekkja úr Dimmu, Drunga og Mistri. Bálkurinn um hana hefur farið sigurför um heiminn og nú hefur verið gerið sjónvarpsþáttaröð eftir Dimmu.
Mannabein finnast á sveitabæ í Hvalfirði þar sem ekki hefur verið búið í hálfa öld. Hver kom þeim þar fyrir, hvers vegna — og hvenær? Ung einstæð móðir flytur á Akranes með ungan son sinn og fær leigða kjallaraíbúð hjá eldri manni sem virðist ekki allur þar sem hann er séður.
Á sinn einstaka hátt heldur Kristín hér áfram að segja skáldaða sögu Oddnýjar Þorleifsdóttur langömmu sinnar á ofanverðri nítjándu öld. Oddný er á fimmtánda ári en rígheldur í bernskuna. Jónsmessugleði Setselju frænku hennar opnar augu hennar fyrir seiðandi heimi fullorðinna kvenna. Fyrsta bindi sögunnar, Oddný, hlaut Fjöruverðlaunin 2024.
Tilgangur þessara bóka er að fólk með geðraskanir geti séð að til eru fleiri leiðir en lyf til að takast á við þær, að aðstandendur fái dýpri innsýn inn í heim ástvina sinna með geðraskanir og að áhugi náist hjá læknum til að tengja við óhefðbundnar leiðir til að vinna með geðraskanir.
Tímaritið Saga kemur út tvisvar á ári, vor og haust. Efni þess tengist sögu og menningu landsins í víðum skilningi. Ritrýndar greinar og viðhorf mynda stærstu efnisþætti tímaritsins. Í Sögu birtast einnig ritdómar og ritfregnir um nýjar bækur er varða sögu, einkum Íslandssögu, og annað efni af sagnfræðilegum toga. Ómissandi öllu áhugafólki.
SÓN, tímarit um ljóðlist og óðfræði kemur út árlega og birtir ritrýndar rannsóknargreinar sem og umræðugreinar á sviði ljóðlistar, skáldskaparmála og bragfræði. SÓN birtir einnig ný ljóð, ljóðaþýðingar og fjölda ritdóma. Að útgáfunni stendur óðfræðifélagið BOÐN. Sónarskáldið 2024 er Gyrðir Elíasson.
Gripla er alþjóðlegt, ritrýnt tímarit á sviði norrænna fræða fyrri alda og kemur út í desember á hverju ári. Tímaritið er alþjóðlegur vettvangur fyrir rannsóknir á sviði íslenskra og norrænna fræða, einkum handrita- og textafræða, bókmennta og þjóðfræða.
Vegleg sýningarskrá sem gefin var út í tilefni samnefndrar sýningar á verkum listakonunnar Jónínu Guðnadóttur (f. 1943) í Hafnarborg í ársbyrjun 2024. Fjallað er um ævi og feril listakonunnar, auk þess sem útgáfan er prýdd ríkulegu úrvali ljósmynda af verkum Jónínu. Allur texti bókarinnar er á íslensku og ensku.
Tímaritið er hugsað sem miðja fyrir myndlistarumfjöllun hér á landi – öflugur vettvangur fyrir umræðu og gagnrýna greiningu á myndlist og stöðu myndlistarfólks á Íslandi, auk þess sem rýnt er í gagnkvæmt samband íslensku senunnar við umheiminn. Tímaritið er gefið út einu sinni á ári í veglegri og fallegri prentútgáfu bæði á íslensku og ensku.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Sjálfsræktar dagbókin 2024 | Inga Guðlaug Helgadóttir, Helga Fríður Garðarsdóttir og Margrét Kristín Pétursdóttir | Bókafélagið | Þessa sjálfsræktardagbók má líta á sem ákveðið verkfæri í þinni sjálfsvinnu fyrir árið 2024, árið sem þú ætlar að fara Alla leið. Þessi bók er ætluð til þess að þú setjir í forgang þína geðheilsu sem oftar en ekki er aftarlega í forgangsröðuninni í dagsins amstri. |
| Lykilorð 2024 Orð Guðs fyrir hvern dag | Ýmsir höfundar | Lífsmótun | Í Lykilorðum eru biblíuvers fyrir hvern dag ársins auk ljóðaerindis eða fleygs orðs. Uppbygging hennar og innihald bíður upp á fjölbreytta notkun fyrir þá sem vilja leyfa innblásnum textum að vekja sig til umhugsunar. Auk þess að vera gefin út á kilju og rafbókarformi eru Lykilorð lesin í hljóðvarpi og birtast að hluta til á helstu samfélagsmiðlum. |
| Tíminn minn 2024 | Björg Þórhallsdóttir | Bókafélagið | Hlý og fallega myndskreytt dagbók eftir íslensku listakonuna Björgu Þórhallsdóttur. |
| Aðeins fleiri Pabbabrandarar 2.0 | Þorkell Guðmundsson | Óðinsauga útgáfa | Veislan heldur áfram með nýjum skammti af pabbagríni. Jafnvel enn súrara og langsóttara en í síðustu bók. |
| Snjór í paradís | Ólafur Jóhann Ólafsson | Veröld | Meginstef þessarar áhrifamiklu bókar eru nánustu sambönd fólks; hjóna, foreldra og barna, elskhuga og vina; og hvernig hið leyndasta í lífi sérhvers manns, það sem hugur einn veit, getur breytt öllu komi það upp á yfirborðið. Snjór í paradís er mögnuð bók um ást og von, blekkingu og afhjúpun, hliðarspor og heiðarleika. |
| Almanak Háskóla Íslands 2024 | Gunnlaugur Björnsson | Háskólaútgáfan | Auk dagatals flytur almanakið margvíslegar upplýsingar, svo sem um sjávarföll og gang himintungla. Lýst er helstu fyrirbærum á himni sem frá Íslandi sjást, stjörnukort, áttavitastefnur á Íslandi og kort sem sýnir helstu tímabelti heimsins. Yfirlit um hnetti, mælieiningar, veðurfar o.fl. Af nýju efni er m.a. grein um stjörnuna Betelgás. |
| Almanak HÍÞ 2024 ásamt árbók 2022 | Arnór Gunnar Gunnarsson og Gunnlaugur Björnsson | Háskólaútgáfan | . |