Grætur Guð? er fyrsta ljóðabók Hjördísar Bjargar Kristinsdóttur. Hér eru á ferðinni hækur um lífið og tilveruna, ljóðform sem er fábrotið, hógvært og hljóðlátt. Einfaldleikinn í sinni tærustu mynd. Höfundur hefur frá barnsaldri fengist við að setja saman ljóð og sögur.
Nýstárleg og áhrifamikil ljóðabók sem fjallar um atburði í ónefndum bæ á stríðstímum. Frásagnaraðferð skáldsins er bæði sérstæð og hrífandi, enda hefur bókin hlotið einróma lof og verið tilnefnd til verðlauna.
Ljóð Sigrúnar Erlu Hákonardóttur eru oftast stutt og gagnorð, hvort sem hún yrkir hefðbundið eða í frjálsu formi. Ljóðmálið er frjálst og leikandi, minnir stundum á tónlist, myndrænt og fallegt, og á bakvið orðin skynjar lesandinn sterkar tilfinningar, von, þrá, söknuð og ást.
Úrval þess fjölbreytta kveðskapar sem liggur eftir sr. Hallgrím Pétursson, helsta skáld 17. aldar á Íslandi. Hann er þekktastur fyrir Passíusálma sína en orti kvæði og sálma af öllu tagi. Hér má til dæmis finna heilræði, bænavers, ádeilu og náttúrulýsingar, auk þekktra erinda úr Passíusálmunum.
Gerður Kristný nýtur aðdáunar fyrir orðsnilld sína langt út fyrir landsteinana og við ljóð hennar hafa innlendir og erlendir listamenn samið tón- og leikverk. Hún hefur hlotið margs konar viðurkenningar fyrir skrif sín, þar á meðal Íslensku bókmenntaverðlaunin. Jarðljós er tíunda ljóðabók hennar.
Hér er ort af stakti snilld sem birtist í einstakri myndvísi, næmum skilningi og hárfínni ádeilu á samtímann. Lífsspeki kallast á við lífsgleði. Meitlaður skáldskapur einsog hann gerist bestur. Kallfæri er tíunda bók Guðrúnar, sem hefur hlotið Ljóðstaf Jóns úr Vör og Íslensku þýðingarverðlaunin fyrir verk sín.
100 trúarljóð höfundar ásamt lögum sem samin hafa verið við mörg þeirra, í kórútsetningum. Ljóðin eru einlæg og kærleiksrík, nærandi og huggandi. 55 ljóðanna hafa birst yfir 700 sinnum í minningargreinum í Morgunblaðinu. Höfundur flestra laganna er Jóhann Helgason tónlistarmaður.
Öll helstu leikrit Ólafs Hauks birtast hér í einni bók, samtals 18 verk frá löngum ferli hans.
Þorsteinn Valdimarsson, skáld, tónlistarmaður og kennari (1918–1977), samdi fyrstu ljóðabók sem kom út hér á landi og innihélt eingöngu ljóð sem byggðust á bragarhætti sem hann nefndi limru. Hann var þannig einn af frumkvöðlum íslenskrar limrugerðar og þeim sem gerðu bragarháttinn að lausavísnaformi við hlið tækifærisstökunnar.
Ég er mjög ánægður með mitt uppnefni, Steini rjúpa, segir höfundur sem í eitt hundrað limrum leikur sér að íslensku máli og tvinnar saman hugleiðingar um menn og málefni og íslenska náttúru. Ýmist í léttleikandi limrum eða óbundnu máli.
Ljóðin í bókinni fjalla um lífið, tímann og tilveruna með tilvísun í atburði líðandi stundar og liðinna tíma. Um er að ræða fyrstu ljóðabók höfundar en ljóð eftir Kjartan hafa ekki birst opinberlega áður fyrir utan ljóðið við lagið LaLíf sem gefið var út af hljómsveitinni SmartBand á sínum tíma.
Magnaður ljóðaþríleikur eftir eitt virtasta skáld Svía, Kjell Espmark, sem er Íslendingum að góðu kunnur. Í bókinni eru ljóðabækurnar Vetrarbraut (2007), Innri víðátta (2014) og Fjöldi votta (2020) þar sem öll bestu höfundareinkenni Espmarks sem ljóðskálds njóta sín til fulls.
Fimm fyrstu ljóðabækur Gyrðis, sem hafa verið ófáanlegar um áratuga skeið, eru hér saman komnar í einu bindi og marka upphafið að vönduðum endurútgáfum verka skáldsins. Hér birtast Svarthvít axlabönd, Tvíbreitt (svig)rúm, Einskonar höfuð lausn, Bakvið maríuglerið og Blindfugl/Svartflug. Ómissandi í safn allra bókaunnenda.
Ljóðskáldið Ragnar H. Blöndal hefur skapað sér nafn fyrir hispursleysi og margvíslegar tilvísanir í bókmenntir og trúarbrögð. Ljóðin í þessari bók eru einmitt af þeim toga.
Jón Hjörleifur er guðfræðingur og hefur löngum verið búsettur erlendis. Milli fjalla er fyrsta ljóðabók hans og inniheldur trúarlegan kveðskap sem fjallar um víddir trúarlífsins – myrkar og bjartar.
Ljóðin eru í bundnu máli og fjalla um margvísleg efni. Þau bera vott um listfengi og fljúgandi hagmælsku auk víðtækrar þekkingar á íslenskri tungu, bragformi og skáldamáli að fornu og nýju. Það einkennir ljóðagerð Magnúsar hversu óvenju margvíslegum bragarháttum hann yrkir undir.
Pólstjarnan fylgir okkur heim er magnaður ljóðaseiður um lífið, dauðann, tímann innra með okkur og veraldarundrið vonina.
Rifsberjadalurinn er persónuleg og áhrifamikil ljóðabók. „Rödd Ásdísar Óladóttur er einstök í ljóðaheiminum, hún er bæði frumleg, heit og litrík.“ — Vigdís Grímsdóttir.