Síða 3 af 6
Önnur bókin í metsöluflokki um fornleifafræðinginn dr. Ruth Galloway sem aðstoðar lögregluna í Norfolk á Englandi við rannsóknir glæpamála. Ómótstæðilega blanda af ráðgátum, húmor og spennu. Gömul barnsbeinagrind finnst undir þröskuldi á gömlu glæsihýsi sem verið er að rífa. Er hugsanlega um að ræða fórn tengda gömlum helgisiðum?
Mirren leggur af stað norður í land í leit að einstakri bók fyrir fárveika ömmusystur sína. Hún kynnist myndarlegum, dökkeygum bóksala sem býðst til að leggja henni lið. Saman þræða þau fornbókabúðir, en er hann allur þar sem hann er séður? Og er bókarleitin erindisleysa eða mun hún leiða Mirren inn á nýjar og óvæntar brautir? Töfrandi jólasaga.
Imogen er afar fær viðburðastjórnandi og samstarfsfólkið lítur upp til hennar. Hún er samt ekki sú sem hún þykist vera, fortíðin geymir erfið leyndarmál sem hún trúir engum fyrir. Henni býðst að verja jólunum í friðsældinni í Cotswold en leyndarmál fortíðar gera óvænta innrás í líf hennar svo hún neyðist til að taka erfiðar ákvarðanir.
Kalmann situr í haldi FBI og skilur hvorki upp né niður. Dagsferð hans með fjölskyldu sinni til Washington D.C. hlaut óvæntan endi og hann er sendur aftur heim með hraði. Þar hefur hann í nógu að snúast og þegar morð er framið virðist það tengjast kalda stríðinu. Enginn er betur til þess fallinn að rannsaka málið en Kalmann.
Veldi bræðranna Carls og Roy Opgard riðar til falls þegar erkióvinur þeirra, lögreglustjórinn Kurt Willumsen, hefur fundið nýja tækni sem hann telur geta sannað sekt þeirra í óupplýstum morðum fortíðar. Óveðurskýin – og líkin – hrannast upp og bræðurnir lenda í blóðugu kapphlaupi við réttvísina. Mögnuð saga eftir meistara norrænu glæpasögunnar.
Sögusvið þessarar einstöku skáldsögu er Berlín á árunum eftir að heimskreppan mikla skall á 1929 og áður en nasistar tóku völdin í Þýskalandi 1933. Rótlaust mannlífið markaðist af óðaverðbólgu, langvarandi atvinnuleysi og gjaldþrotum fyrirtækja og banka. Fólk lifði frá degi til dags og næturlífið var taumlaust.
Sjálfstætt framhald metsölubókarinnar, Þernan. Molly Gray er orðin yfirþerna á hinu glæsilega hóteli, Regency Grand. Þegar heimsþekktur rithöfundur er myrtur í einum sal hótelsins, umturnast líf hennar. Margir liggja undir grun og allir virðast hafa eitthvað að fela. Er Molly sjálf til dæmis eins saklaus og hún segist vera?
Í litla bakaríinu í Brooklyn er rómantík í lofti innan um girnilegt úrval af kökum og sætabrauði. Á hæðinni fyrir ofan býr Sophie Bennings, nýkomin til New York. Hún er alls ekki í rómantískum hugleiðingum eftir sársaukafull sambandsslit. Hún hellir sér út í nýja starfið á vinsælu tímariti þar sem hún skrifar um mat.
Í notalegu hverfi í París – borg ástarinnar – er lítið kökuhús sem bíður eftir því að verða uppgötvað. Rómantík gæti alveg verið þar á matseðlinum … Nína Hadley ólst upp með fjórum eldri bræðrum. Þegar henni bauðst að flytjast til Parísar og hjálpa til á sætabrauðsnámskeiði var hún spennt að segja au revoir við hina ráðríku bræður sína.
Ugla sat á kvisti … Aðeins ég veit hver fær að lifa og hver mun deyja. Angela Marsons, margfaldur metsöluhöfundur, sendir frá sér enn eina æsispennandi glæpasöguna.
Eftir örvæntingarfullt símtal frá æskuvinkonu sinni, Katju, neyðist Vega til að snúa heim til litla þorpsins Silverbro sem hún yfirgaf fyrir tíu árum. Katja og Vega voru óaðskiljanlegar í æsku en átakanlegur atburður varð til þess að leiðir skildi. Eftir örvæntingarfullt símtal frá æskuvinkonu sinni, Katju, neyðist Vega til að snúa heim ...
Æsispennandi færeysk glæpasaga. Daginn eftir skyndilegt andlát bróður síns fær Sara Emmudóttir dularfullt bréf. Það verður til þess að hún fer að kafa í fortíð sem hún hafði flúið. Við sögu koma meðal annars rokktónleikar í Þórshöfn tuttugu árum fyrr þar sem ung kona lét lífið.
Frá metsöluhöfundi Bréfsins, Leyndarmálsins og Minningaskrínisins kemur nú Lykillinn. Ógleymanleg saga um glataða ást og hræðilegt leyndarmál.
Jaakko Kaunisma er farsæll sveppabóndi í finnskum smábæ þar til einn fagran sumardag að líf hans umturnast. Niðurstöður læknisrannsókna staðfesta að honum hefur verið byrlað eitur, í smáum skömmtum á löngum tíma. Hann er dauðvona aðeins 37 ára gamall. Hefst nú æsispennandi leit hans að þeim sem vilja hann feigan.
Dessie og Sam voru brjálæðislega ástfangin þegar þau voru ung. En óvænt svik urðu til þess að ástin slokknaði og þau hurfu hvort í sína áttina. Fimmtán árum síðar taka örlögin í taumana.
Sjálfstæð skáldsaga eftir höfund metsölubókanna um systurnar sjö. Nemi í fínum heimavistarskóla deyr skyndilega. Skólayfirvöld afgreiða andlátið sem slys en Jazmine „Jazz“ Hunter er send til að rannsaka málið. Á sama tíma reynir hún að standast persónutöfra fyrrverandi eiginmanns síns sem vill að þau taki saman á ný. En þá fer morðunum að fjölga.
57 ára gömul kona finnst myrt í Stovner fyrir utan Ósló. Lögregluforinginn Cato Isaksen og samstarfskona hans, Marian Dahle, sjá um rannsókn málsins. Konan sem var myrt virðist hafa verið einfari og þjáðst af þunglyndi. Eina manneskjan sem hún hafði samband við var kona á hjúkrunarheimili í nágrenninu.
Þegar lík finnst skammt frá afskekktu unglingaheimili er Vera Stanhope kölluð til. Fórnarlambið er Josh, starfsmaður á unglingaheimilinu. Í sama mund kemur í ljós að Chloe, fjórtán ára vistmaður á heimilinu, er horfin. Vera á erfitt með að trúa því að hún geti hafa átt aðild að mannslátinu en hún verður að gera ráð fyrir öllum möguleikum.